«Օսկար» մրցանակի դափնեկիր, ռեժիսոր Միլոշ Ֆորմանը մահացել է 86 տարեկանում

«Օսկար» մրցանակի կրկնակի դափնեկիր, ռեժիսոր Միլոշ Ֆորմանը մահացել է 86 տարեկանում,-լրատվությունը տարածում է Reuters-ը։

Ռեժիսորին մեծ ճանաչում է բերել՝ «Թռիչք կկվի բնի վրայով» և «Ամադեուս» կինոնկարները:

Միլոշ Ֆորմանի կնոջ հայտարարությամբ, ռեժիսորը մահացել է Ամերիկայի Միացյալ Նահանգներում, կարճատև հիվանդությունից հետո:

Ֆորմանը ծնվել է 1932 թվականի փետրվարի 18-ին Չեխիայում, սակայն 1968 թվականին տեղափոխվել է ԱՄՆ և 1970 թվականին ստացել ԱՄՆ-ի քաղաքացիություն: