Օգտագործում ենք բոլոր գործիքները այն բանի համար, որ Արչիլ Տատունաշվիլիի աճյունը կարճ ժամկետում տեղափոխենք Ծիլկանի,-այս հայտարարությունը արել է վարչապետ Գիորգի Կվիրիկաշվիլին, Արչիլ Տատունաշվիլիի ընտանիքի անդամների հետ հանդիպման ժամանակ:

Գիորգի Կվիրիկաշվիլիի խոսքերով, տեղի ունեցածը մեծ դժբախտություն է և մեծ հարված՝ վրացիների, աբխազների և օսերի հասցեին:

«Ես ցավակցել եմ ընտանիքին և փոխանցել մանրամասն լրատվություն, թե ինչ քայլեր են արվում մեր հայրենակցի աճյունը տեղափոխելու ուղղությամբ:

Վրաստանի կառավարությունը, անում է հնարավորինս, որ Արչիլի աճյունը կարճ ժամանակում բերենք Ծիլկանի: Պետք է նշեմ, որ այն ինչ տեղի ունեցավ մեծ դժբախտություն է և մեծ հարված՝ վրացիների, աբխազների և օսերի նկատմամբ: Արվում է ամեն ինչ, որ խոչընդոտեն մեր գործողությունները:

Վրաստանի կառավարությունը շարունակում է իր քաղաքականությունը, որը իրականացվում էր առ այսօր: Դրա արդյունքում մեր երկիրը պետք է միավորվի, ինչպես նաև խիստ պատժվելու են նրանք, ովքեր գործում են նման հանցագործություններ»,-ասել է Կվիրիկաշվիլին: