Օդեսայի տարածաշրջանային ռազմական վարչակազմի շտաբը հայտարարել է, որ Սև ծովում խոցված ռուսական ռազմական «Մոսկվա» հածանավը մեկ տարի անմարտունակ կլինի
Սև ծովում խոցված ռուսական «Մոսկվա» հածանավը անմարտունակ կլինի մեկ տարի,- ուկրաինական լրատվամիջոցները մեջբերում են Օդեսայի տարածաշրջանային ռազմական վարչակազմի խոսնակ Սերգեյ Բրատչուկի խոսքերը։
Սերգեյ Բրատչուկի խոսքով՝ առկա տվյալների համաձայն՝ հակառակորդի նավի խոցման պատճառը եղել է «Հարպուն» հականավային հրթիռը։
Եթե նույնիսկ հածանավի հրդեհը մարվի, առաջիկա մեկ տարվա ընթացքում այն մարտունակ չի լինի»,- ասել է Բրատչուկը։
Ըստ ԶԼՄ-ների՝ ապրիլի 13-ին Սեւ ծովում գնդակոծվել է ռուսական «Մոսկվա» հրթիռային հածանավը՝ անձնակազմի 510 անդամներով։ Ինչպես ավելի վաղ հայտարարել էր Օդեսայի շրջանային ռազմական վարչակազմի նախագահ Մաքսիմ Մարչենկոն, ռուսական նավը լրջորեն խոցվել է «Նեպտուն» հրթիռներից։
Ըստ լրատվամիջոցի՝ «Մոսկվան» ռուսական գվարդիայի հրթիռային հածանավ է։ Այն Ռուսաստանի ռազմածովային նավատորմի սեւծովյան 30-րդ դիվիզիայի մաս է կազմում։ Կառուցվել է Նիկոլաևի նավաշինարանում, այն սկզբում կոչվել է «Սլավա», իսկ հետո վերանվանվել «Մոսկվա»: