Նպատակահարմար չեմ գտնում փրայդի շաբաթյակի անցկացումը, քանի որ գոյություն ունեն խմբեր, ովքեր կարող են դա օգտագործել այլ կերպ, – այս մասին հայտարարել է Թբիլիսիի քաղաքապետ Կախա Կալաձեն, մեկնաբանելով փրայդի անցկացման հարցը:

Ինչպես հայտարարել է Կախա Կալաձեն, երկրում խոսքի ազատությունը պաշտպանված է:

«Այս երկրում խոսքի ազատությունը պաշտպանված է: Մենք տարիներ առաջ ընդունեցինք մի կարևոր օրենք, որտեղ բոլորը հավասար են, և յուրաքանչյուրն ինքնադրսևորվելու հնարավորություն ունի: Ինչ վերաբերում է ընդհանրապես «փրայդի շաբաթին», ապա ես դա նպատակահարմար չեմ համարում, քանի որ կան հատուկ խմբեր, որոնք կարող են այն չարաշահել: Խոսքի ազատությունը երկրում պաշտպանված է, դուք չեք կարող բերել փաստեր և դեպքեր, որոնք սահմանափակում են մարդկանց արտահայտման ազատությունը:

Հարցին, թե իշխանությունը մեծ նշանակություն է տալիս Վասաձեի և Փալավանդիշվիլու կողմնակիցներին, Կախա Կալաձեն պատասխանել է. «Ի՞նչ կապ ունի Փալավանդիշվիլին դրա հետ: Ո՞վ է Փալավանդիշվիլին: Նրանք, ովքեր սխալ են գործում և խախտում են օրենքը, համապատասխան պատիժ կկրեն»: