Նորվեգիան Մերձավոր Արևելքում տեղակայված իր 60 զինվորներից մի քանիսին կտեղափոխի Նորվեգիա, իսկ մի մասին՝ տարածաշրջանի այլ երկրներ՝ տարածաշրջանում անվտանգության իրավիճակի պատճառով
Նորվեգիան Մերձավոր Արևելքում գտնվող իր 60 զինվորներից մի քանիսին կտեղափոխի Նորվեգիա, իսկ մի մասին՝ տարածաշրջանի այլ երկրներ՝ տարածաշրջանում անվտանգության իրավիճակի պատճառով, հայտարարել է Նորվեգիայի զինված ուժերի խոսնակ Վեգարդ Ֆինբերգը։
Նրա խոսքով՝ Նորվեգիան այս որոշումը կայացրել է այն բանից հետո, երբ վերջին ժամանակներս զգալիորեն վատթարացել են Միացյալ Նահանգների և Իրանի միջև հարաբերությունները, և կա իրավիճակի հետագա սրման վտանգ։
Նորվեգիայի զինված ուժերը չեն մանրամասնել, թե որ երկրներից քանի զինվոր է տեղափոխվում։
«Սրանք զինվորներ են, որոնք նշանակված են տեղական ուժերին մարզելու և այլ առաքելություններ կատարելու համար։ Հաշվի առնելով ստեղծված իրավիճակը՝ նրանց համար անհնար է կատարել իրենց հիմնական խնդիրները, և այդ պատճառով մենք տեղափոխում ենք նրանց», – Reuters-ին ասել է Նորվեգիայի միացյալ շտաբի փոխգնդապետ Վեգարդ Ֆինբերգը։
Reuters-ի փոխանցմամբ՝ Նորվեգիան ուժեր ունի տեղակայված Իրաքի և Իրանի հարևան այլ երկրների մի քանի վայրերում։