Նիկոլոզ Սամխարաձե. Ես կհիշեցնեմ միջազգային հանրությանը, այդ թվում՝ Ռուսաստանին, որ օկուպացված տարածքների ինքնահռչակ իշխանությունների կողմից ստորագրված ցանկացած այսպես կոչված համաձայնագիր անվավեր է
Աբխազիայի և Ցխինվալիի շրջանները, որոնք կազմում են Վրաստանի տարածքի 20%-ը, մնում են Ռուսաստանի կողմից անօրինական օկուպացիայի տակ,- այս մասին Հաագայում ԵԱՀԿ խորհրդարանական վեհաժողովում իր ելույթում հայտարարել է Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն։
Օկուպացիայի խնդրի մասին խոսելով՝ Սամխարաձեն դատապարտել է Ռուսաստանի և այսպես կոչված Հարավային Օսիայի միջև ստորագրված այսպես կոչված համաձայնագիրը՝ դաշնակիցների միջև համագործակցության խորացման վերաբերյալ։
«Ես կցանկանայի ուշադրություն հրավիրել վերջին իրադարձությունների վրա, որոնք ավելի են սրում իրավիճակը տեղում։ Ես խստորեն դատապարտում եմ Ռուսաստանի և այսպես կոչված Հարավային Օսիայի միջև ստորագրված այսպես կոչված համաձայնագիրը՝ դաշնակցային համագործակցության խորացման վերաբերյալ։ Այս փաստաթուղթը միջազգային իրավունքի կոպիտ խախտում է և Ռուսաստանի կողմից ևս մեկ հուսահատ փորձ է՝ ամրապնդելու Վրաստանի միջազգայնորեն ճանաչված շրջանների օկուպացիան և փաստացի անեքսիան։ Ես կցանկանայի հիշեցնել միջազգային հանրությանը, այդ թվում՝ Ռուսաստանի Դաշնությանը, որ օկուպացված տարածքների ինքնահռչակ իշխանությունների կողմից ստորագրված ցանկացած այսպես կոչված համաձայնագիր կամ պայմանագիր անվավեր է», – ասել է Նիկոլոզ Սամխարաձեն։