Նիկոլոզ Սամխարաձե. Պետք է պարզ լինի, թե արդյոք ՆԱՏՕ-ի ընդլայնումը բոլոր անդամների նպատակն է, եթե ոչ, ապա վրացական հասարակությունը պետք է տեղեկացված լինի, քանի որ մենք վաղուց ենք ձգտում անդամակցության
Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն նշել է, որ ԱՄՆ-ի ազգային անվտանգության 2025 թվականի ռազմավարությունում ՆԱՏՕ-ի վերաբերյալ շատ կարևոր ուղերձ կա, և պետք է հստակ դառնա, թե ինչ նկատի ունի այս հայտարարությամբ Ամերիկայի նոր վարչակազմը։
«Պետք է հստակեցվի՝ վերջիվերջո ՆԱՏՕ-ի ընդլայնումն արդյո՞ք բոլոր անդամների նպատակն ու առաջադրանքն է։ Եթե ոչ, ապա այդ մասին պետք է տեղեկացվի վրացական հասարակությանը, քանի որ մենք վաղուց ենք ձգտում դառնալ ՆԱՏՕ-ի անդամ։ Մինչ այժմ հնչել են հայտարարություններ, որ ՆԱՏՕ-ի դռները բաց են։ Եթե որոշում է կայացվել, որ ՆԱՏՕ-ն այլևս չպետք է ընդլայնվի, ապա դա պետք է իմանանք։ Հնարավոր է կարդալ, որ դռները փակ են, սակայն պետք է սպասենք ՆԱՏՕ-ի անմիջական որոշումներին։ Վերջին հայտարարությունները, որ Ռուտեն արեց, այն էր, որ դաշնակիցների միջև չկա համաձայնություն ընդլայնման հարցում։ Սա հուսադրող չէ», – հայտարարել է Նիկոլոզ Սամխարաձեն Վրաստանի Հանրային հեռուստատեսությանը։
ԱՄՆ-ի ազգային անվտանգության 2025 թվականի ռազմավարության մեջ, որը Դոնալդ Թրամփի վարչակազմը հրապարակել է Սպիտակ տան պաշտոնական կայքում, նշվում է, որ «Եվրոպայում պետք է դադարեցվի ՆԱՏՕ-ի ընկալումը որպես մշտապես ընդլայնվող դաշինք»։
