«Եթե արտաքին օգնությունը հատկացվում է որևէ երկրի աջակցման նպատակով, ապա այն պետք է ուղղվի հենց այդ երկրին և ոչ թե փոխանցվի երրորդ կազմակերպության, որը դրանից շահույթ է ստանում։ Այս քայլը ողջունելի է», – այս մասին Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն հայտնել է Վրաստանի Հանրային հեռուստատեսությանը։

Սամխարաձեին հարց է ուղղվել ԱՄՆ պետքարտուղար Մարկո Ռուբիոյի հայտարարության մասին, որում նա նշել է․ «Եթե մենք փորձում ենք աջակցել երկրներին, ապա աջակցենք հենց երկրներին, այլ ոչ թե ոչ կառավարական կազմակերպություններին»։

«Ամերիկյան քաղաքականության վերանայում է տեղի ունենում՝ երկկողմ հարաբերություններում անհրաժեշտ չէ երրորդ կողմի ներգրավումը։ Եթե արտաքին օգնությունը նախատեսված է որևէ երկրի աջակցման համար, այն պետք է ուղղվի այդ երկրին, այլ ոչ թե փոխանցվի երրորդ կազմակերպության, որը կարող է դրանից օգուտ քաղել։ Այս քայլը դրական է և ողջունելի, քանի որ շատ երկրներում, այդ թվում՝ Վրաստանում, մենք տեսել ենք, որ օգնությունը կամ չի հասնում շահառուներին, կամ այնպիսի ձևով է հասնում, որը տվյալ երկրի շահերին չի համապատասխանում։ Ռուբիոյի հայտարարությունից պարզ է, որ վերանայում է տեղի ունենում ԱՄՆ-ի ունեցած փորձի հիման վրա», – նշել է Նիկոլոզ Սամխարաձեն։