Հայաստանի իշխանությունները ոչինչ չեն անում Ռուսաստանի թիկունքում և նրա դեմ, – այս մասին հայտարարել է Հայաստանի վարչապետ Նիկոլ Փաշինյանը:

Հայաստանի կառավարության ղեկավարը պատասխանել է այն հարցին, թե արդյոք Ղազախստանի արտաքին գործերի նախարարի Հայաստան կատարած այցի ընթացքում քննարկվում է երկրի երկաթուղային ցանցը նոր կոնցեսիոն կառավարման հանձնելու հարցը:

«Ղազախստանը նախորդ տարվա օգոստոսից բացահայտորեն հետաքրքրություն է հայտնում «Թրամփի երթուղու» նկատմամբ, սակայն Ղազախստանը միակ երկիրը չէ, որը հետաքրքրություն է ցուցաբերում: Այդպիսի երկրները շատ են: Մեզ, այդ թվում նաև Ղազախստանը, պետք է առաջարկներ ներկայացնեն: Այդ երկրները պետք է պատրաստ լինեն օգտագործել Հայաստանով անցնող տարանցիկ երթուղիները արտահանման և ներմուծման շղթաներում, ինչպես նաև իրենց կողմից մատուցվող տրանսպորտային ծառայություններում», – նշել է Փաշինյանը: