«Փոփոխությունների կոալիցիայի» առաջնորդ Նիկա Գվարամիան ձերբակալված է։

Իրավապաշտպանների տեղեկություններով, Գվարամիան նախ տեղափոխվում է Ռուսթավիի ոստիկանության բաժանմունք՝ որոշ գործընթացների անցման համար, ապա կվերադարձվի Ռուսթավիի քրեակատարողական հիմնարկ։

«Որոշ գործընթացների անցկացման նպատակով նրան կտեղափոխեն Ռուսթավիի ոստիկանության բաժին, այնուհետև նրան կվերադարձնեն Ռուսթավիի բանտ։ Նա կտեղափոխվի №12 հիմնարկ», – հայտարարել է իրավապահներից մեկը։

Այսօր Թբիլիսիի քաղաքային դատարանում կայացավ Նիկա Գվարամիայի դատական նիստը։ Դատավոր Ջվեբե Նաճղեբիայի որոշմամբ՝ Նիկա Գվարամիայի խափանման միջոց գրավը փոխարինվեց  կալանքով։ Խափանման միջոցի փոփոխության պատճառը գրավը չվճարելն էր։

Նիկա Գվարամիան դատարանում չի եղել։ Դատավարության մեկնարկից առաջ նա հայտարարել էր, որ ինքն անձամբ կգնար Ռուսթավիի քրեակատարողական հիմնարկ։

Հիշեցնենք, որ Նիկա Գվարամիային 30 000 լարիի չափով գրավ էր սահմանվել՝ Վրաստանի խորհրդարանի ժամանակավոր քննիչ հանձնաժողովում չներկայանալու համար։ Գվարամիան հայտարարել էր, որ չի վճարելու գրավը։ Վճարման ժամկետը սպառվել էր հունիսի 7-ին։