Նիկա Գվարամիա. «Մենք ասել ենք՝ ներսում ակցիա, դրսում պատժամիջոց, ինչպես նաև այլընտրանքի առաջարկ. Բրիտանիայի դեսպանի հետ այսօրվա հանդիպումը հաջողված էր նաև այս ուղղությամբ»
«Ընդդիմության դաշինքն» ասել է՝ ներսում ակցիա, դրսում պատժամիջոց, ինչպես նաև այլընտրանքի առաջարկ: Բրիտանիայի դեսպանի հետ այսօրվա հանդիպումը հաջողված էր նաև այս ուղղությամբ: Այո՛, մենք նաև այլընտրանք ենք», – հայտարարել է Նիկա Գվարամիան «Ընդդիմության դաշինքի» անդամների և Վրաստանում Մեծ Բրիտանիայի դեսպան Գարեթ Ուորդի հանդիպման ավարտից հետո:
Ինչպես նշել է Գվարամիան, հանդիպման նախաձեռնողը եղել է Բրիտանիայի դեսպանատունը:
«Նախաձեռնությունը դեսպանատան կողմից էր: Գլխավորն այն է, որ մենք ունենք մեր տեսլականը, թե ինչպես պետք է փոխվի իշխանությունը: Սա միայն բողոք չէ, թեև անվերապահորեն նաև բողոք է, այլ նաև այն, թե ինչպես շարունակենք առաջ տանել երկիրը այն բանից հետո, երբ այս իշխանությունը չի լինի: Այս պահին երկիրը ոչ թե առաջ է գնում կամ կանգնած է նույն տեղում, այլ օրեցօր հետ է գնում», – հայտարարել է Գվարամիան:
Նրա խոսքով՝ Մեծ Բրիտանիայի պատժամիջոցներն ամենագործունն են եղել:
«Մեծ Բրիտանիան հատկապես ուշագրավ է այն առումով, որ նրա պատժամիջոցներն ամենագործունն են եղել, և, հետևաբար, դրանց շարունակականությունը շատ կարևոր է», – ասել է Գվարամիան: