Նիգերիայում ջրհեղեղի պատճառով զոհվել է 88 մարդ
Նիգերիայում ուժեղ անձրևների հետևանքով առաջացած ջրհեղեղի պատճառով զոհվել է 88 մարդ։ Նիգերի կենտրոնական նահանգում՝ Մոկվա առևտրային քաղաքում, ջրհեղեղը ոչնչացրել է ավելի քան 50 տուն։
Նահանգի մայրաքաղաք Մինայի գործողությունների գրասենյակի ղեկավար Հուսեյն Իսահն հայտնել է, որ փրկարարական աշխատանքները շարունակվում են, սակայն շատ մարդիկ դեռ վտանգի մեջ են։
Միաժամանակ, Նիգերի նահանգի արտակարգ իրավիճակների կառավարման գործակալության խոսնակ Իբրահիմ Աուդու Հուսեյնին հայտարարել է, որ զոհերի թիվը, հավանաբար, կաճի։
Մոկվա քաղաքը կարևոր տեղական կենտրոն է երկրի հարավից ժամանած վաճառողների և հյուսիսից ժամանած գյուղացիների համար։
Ջրհեղեղը տեղի է ունեցել մի քանի ժամ տևած ուժեղ անձրևների հետևանքով, որոնք փլուզել են մոտակա ամբարտակը։
Նիգերիայի օդերևութաբանական ծառայությունը նախազգուշացում է հրապարակել հնարավոր ջրհեղեղների մասին երկրի 36 նահանգներից 15-ում։ Նիգերիայում անձրևային սեզոնը նոր է սկսվել և սովորաբար տևում է մոտ վեց ամիս։