Ներքին գործերի նախարարության Կախեթիի ոստիկանության դեպարտամենտի դետեկտիվների և քննչական բաժնի աշխատակիցների կողմից անցկացված օպերատիվ միջոցառումների և քննչական գործողությունների արդյունքում՝ կանխամտածված սպանության և հրազենի ապօրինի պահման մեղադրանքով ձերբակալվել է նախկինում դատված 1967 թվականին ծնված Ռ.Լ.-ն: Այս մասին տեղեկատվություն է տարածում Ներքին գործերի նախարարությունը։ Գերատեսչության հաղորդմամբ, հանցագործությունը պատժվում է մինչև 15 տարի ազատազրկմամբ։

«Քննությամբ պարզվել է, որ այս տարվա մայիսի 11-ին, Ախմետայի մունիցիպալիտետում, վեճի հողի ներքո, Ջ.Կ.-ն որսորդական հրացանով կրակել է Ռ.Լ.-ի ոտքին, որից հետո մեղադրյալ Ռ.Լ.-ն հրազենով մահացու վնասվածք է հասցրել Ջ.Կ.-ին»։

Մեղադրյալ Ռ.Լ.-ն տեղափոխվել է կլինիկա, որտեղ ստանում է համապատասխան բուժում, մինչդեռ Ջ.Կ.-ն մահացել է դեպքի վայրում։

Ոստիկանությունը որպես ապացույց առգրավել է հանցագործության մեջ օգտագործված զենքերը՝ որսորդական հրացան և ատրճանակ։

«Հետաքննությունը շարունակվում է Վրաստանի քրեական օրենսգրքի 108-րդ և 236-րդ հոդվածներով», – ասվում է ՆԳ նախարարության հաղորդագրության մեջ։