ՆԳ նախարարության Աջարիայի ոստիկանության դեպարտամենտի աշխատակիցները սպանության փորձի մեղադրանքով ձերբակալել են Թուրքիայի Հանրապետության քաղաքացի Դ.Շ.-ին, ծնված 1998 թվականին։

Ըստ ՆԳՆ-ի՝ քննության արդյունքում պարզվել է, որ մեղադրյալը Բաթումիում սառը զենքով վիրավորել է 1981 թվականին ծնված Թուրքիայի քաղաքացի Ա.Ֆ.-ին։ Վիրավորը տեղափոխվել է կլինիկա, որտեղ ստացել է համապատասխան բժշկական օգնություն։

«Ոստիկանությունը որպես կասկածյալ ձերբակալել է Դ.Շ.-ին: Իրավապահ մարմինների աշխատակիցները որպես ապացույց առգրավել են հանցագործությունը կատարելու համար օգտագործված զենքը՝ դանակ: Հետաքննությունը շարունակվում է Քրեական օրենսգրքի 19-108-րդ հոդվածի համաձայն, որը նախատեսում է մինչև 15 տարի ազատազրկում», – ասվում է ՆԳՆ-ի հայտարարության մեջ: