ՆԳՆ. Նոյեմբերի 18-19-ը ԹՊՀ-ում տեղակայված չի եղել հատուկ շտաբ, քրեական ոստիկանության աշխատակիցները համալսարանի բակ են մտել այն բանից հետո, երբ ցուցարարների կողմից բացվել են կրակի մի քանի օջախներ
Հանրությանը տեղեկացնելու նպատակով ցանկանում ենք արձագանքել մամուլում տարածված այն տեղեկատվությանը, որ այս տարվա նոյեմբերի 18-19-ը Մելիքիշվիլիի պողոտայում տեղի ունեցած ակցիայի ժամանակ ՆԳՆ-ն Թբիլիսիի պետական համալսարանում հատուկ շտաբ է ունեցել և համալսարանի շենքում գտնվում էին հատուկ հանձնարարությունների վարչության աշխատակիցներ,- նշվում է ՆԳՆ-ի հայտարարության մեջ։
ՆԳՆ-ի պարզաբանմամբ՝ ԹՊՀ-ի շենքում և ոչ էլ բակում շտաբ չի եղել և քրեական ոստիկանության աշխատակիցները համալսարանի բակ են մտել այն բանից հետո, երբ ցուցարարների կողմից բացվել են կրակի մի քանի օջախներ:
«Ուզում ենք ընդգծել, որ նոյեմբերի 18-19-ը Թբիլիսիի պետական համալսարանի ոչ շենքում և ոչ էլ բակում շտաբ չունեինք, ոչ էլ հատուկ առաջադրանքների վարչության աշխատակիցներ էին մոբիլիզացված:
Պարզաբանում ենք, որ ՆԳՆ քրեական ոստիկանության աշխատակիցները համալսարանի բակ են մտել այն բանից հետո, երբ ցուցարարների կողմից բացվել են կրակի մի քանի օջախներ:
Նշենք, որ Թբիլիսիի պետական համալսարանի բակն ու պանթեոնը փակ տարածքներ չեն, և այնտեղ կարող են մուտք գործել բոլոր ցանկացողները, այդ թվում՝ ակցիայի մասնակիցները, ովքեր ակցիաների ժամանակ ազատորեն օգտվում են համալսարանի բակից»,- ասվում է գերատեսչության հայտարարության մեջ։