Վրաստանի Ներքին գործերի նախարարությունն այսօր և առաջիկա օրերին համապատասխան միջոցներ կձեռնարկի՝ օրենքը խախտողներին բացահայտելու և նրանց դեմ կիրառելու համար, ասվում է Ներքին գործերի նախարարության հայտարարության մեջ։

«Ինչպես հայտնի է հանրությանը, երեկ տեղի է ունեցել հավաք, որի հայտարարված նպատակն էր տապալել իշխանությունը։ Հավաքը շուտով ստացավ անօրինական բնույթ, որից հետո Վրաստանի Ներքին գործերի նախարարությունը ձեռնարկեց համաչափ միջոցներ՝ համաձայն բարձրագույն իրավական չափանիշների՝ օրենքի պաշտպանությունն ապահովելու համար։

Վրաստանի Ներքին գործերի նախարարությունն այսօր և առաջիկա օրերին համապատասխան միջոցներ կձեռնարկի՝ խախտողներին բացահայտելու և նրանց դեմ օրենքը կիրառելու համար։

Այնուամենայնիվ, երեկ տեղի ունեցած իրադարձությունների հիման վրա մենք հիմք ունենք կարծելու, որ այսօր և առաջիկա օրերին անցկացվող ցանկացած հավաք երեկվա փորձի շարունակությունն է, և մենք կձեռնարկենք համապատասխան միջոցներ՝ հասարակական կարգին և անվտանգությանը սպառնացող վտանգը կանխելու համար։

Մենք կոչ ենք անում բոլորին հաշվի առնել այս հանգամանքը և զերծ մնալ ցանկացած գործողությունից, որը կարող է հիմք հանդիսանալ նրանց դեմ իրավական միջոցներ ձեռնարկելու համար», – ասվում է Ներքին գործերի նախարարության հայտարարության մեջ։