Դատավորի որոշման հիման վրա հարուցված ոստիկանական հատուկ միջոցառումների շրջանակներում վերջին երկու օրերին խուզարկություններ են իրականացվել կոնկրետ կուսակցությունների աշխատասենյակներում և գործի հետ կապ ունեցած անձանց տներում,- հայտնում է Վրաստանի ՆԳՆ-ն։

«Ցանկանում ենք հանրությանը տեղեկատվություն տրամադրել ՆԳՆ-ում խմբակային բռնության կազմակերպման ղեկավարության կամ դրան մասնակցության և բռնի գործողությունների հրապարակային կոչերի փաստերի վերաբերյալ ընթացող հետաքննության մասին։

ՆԳՆ Քրեական ոստիկանության Կենտրոնականի բաժնի ծառայողները քրեական օրենսգրքի 225-րդ և 239-րդ հոդվածներով հարուցված հետաքննության շրջանակներում, որը ենթադրում է խմբակային բռնություն կազմակերպելը, ղեկավարելը կամ մասնակցելը և բռնի գործողությունների հրապարակայնորեն կոչ անելը, հատուկ քննչական գործողություններ են անցկացրել։

Դատավորի որոշման հիման վրա հարուցված ոստիկանական հատուկ միջոցառումների շրջանակում վերջին երկու օրերին խուզարկություններ են կատարվել կոնկրետ կուսակցությունների աշխատասենյակներում և գործին ներգրավված անձանց տներում։

Իրավապահները գրասենյակների և բնակելի տների խուզարկության արդյունքում որպես ապացույցներ են առգրավվել՝ հրազեն, խոշոր չափի գումար, հիշողության քարտեր, համակարգչային տեխնիկա, ինչպես նաև սաղավարտներ, օդամղիչ, մեծ քանակությամբ պիրոտեխնիկա, էլեկտրափոխանցող սարքավորումներ, մոլոտովի կոկտեյլներ, ներկեր, տարբեր տեսակի լուծույթներ, որոնց համար նշանակվել են համապատասխան փորձաքննություններ։

Հանրային մեծ հետաքրքրությունից ելնելով տեղեկություններ ենք տարածում պաշտպանության նախկին նախարար Դավիթ Կեզերաշվիլիի ընտանիքի անդամի սեփականություն հանդիսացող, Ամաղլեբաի փողոցի թիվ 12 հասցեում գտնվող բնակելի տան խուզարկության մասին։

Վերջին տարիներին նշված հասցեում էր ապրում Դավիթ Կեզերաշվիլիի կնոջ եղբայրը՝ «Միասնություն-Ազգային շարժման» հասարակայնության հետ կապերի քարտուղար Դիմիտրի Չիքովանին։ Իրավապահները բնակարանում կազմակերպված հատուկ թաքստոցից առգրավել են մի քանի տասնյակ գրանցված և չգրանցված հրազեն, փամփուշտներ, համակարգչային տեխնիկա և հիշողության քարտ»,- ասված է ՆԳՆ հաղորդագրության մեջ։