Ներքին գործերի նախարարության կենտրոնական քրեական ոստիկանության և Աջարիայի ոստիկանության դեպարտամենտի աշխատակիցները, Ֆինանսների նախարարության եկամուտների ծառայության մաքսային վարչության աշխատակիցների հետ համատեղ, կանխել են Վրաստան թմրանյութերի մեծ և առանձնապես խոշոր չափերի անօրինական ներմուծումը: Այս մասին տեղեկատվությունը տարածում է Ներքին գործերի նախարարությունը։

Գերատեսչության տվյալներով՝ ոստիկանությունը Քութայիսիի միջազգային օդանավակայանում ձերբակալել է նախկինում դատապարտված 1983 թվականին ծնված Զ.Չ.-ին և «Սարփի» մաքսային անցակետում Թուրքիայի Հանրապետության քաղաքացի 2001 թվականին ծնված Ս.Դ.-ին։

«Մեղադրյալների ձեռքի ուղեբեռի և անձնական զննման ժամանակ իրավապահ մարմինների աշխատակիցները որպես ապացույց առգրավել են տարբեր տեսակի թմրանյութերի առանձնապես մեծ քանակություն, այդ թվում՝ «կոկաին», «հերոին» և «մեթադոն»։

«Հետաքննությունը շարունակվում է Քրեական օրենսգրքի 260-րդ և 262-րդ հոդվածներով, որոնք նախատեսում են մինչև 20 տարի կամ ցմահ ազատազրկում», – ասվում է ՆԳՆ հայտարարության մեջ։