ՆԳՆ. Հանրահավաքի մասնակիցներն անհայտ առարկաներ են նետում ոստիկանների ուղղությամբ, մեկ ոստիկան վիրավորվել է, հանրահավաքի մասնակիցներին կոչ ենք անում անօրինական գործողություններ չանել
Հանրահավաքի մասնակիցներն անհայտ առարկաներ են նետել ոստիկանների ուղղությամբ, մեկ ոստիկան վիրավորվել է,-ասվում է ՆԳՆ հաղորդագրության մեջ։
ՆԳՆ-ն հանրահավաքի մասնակիցներին կոչ է անում անօրինական գործողություններ չկատարել և ենթարկվել իրավապահների ցուցումներին։
«Ռուսթավելիի պողոտայում՝ խորհրդարանի դիմաց ընթացող ակցիայի հետ կապված, ՆԳՆ տարբեր ստորաբաժանումների աշխատակիցները մոբիլիզացված են և պաշտպանում են հասարակական կարգը։
Չնայած իրավապահների կողմից հանրահավաքի մասնակիցներին ուղղված բազմաթիվ կոչերին, որ իրենց բողոքը չպետք է դուրս գա օրենքով թույլատրված հավաքների և արտահայտվելու ազատության շրջանակներից, հավաքվածներից ոմանք առերեսվել են իրավապահների հետ և բանավոր վիրավորել նրանց, վնասել լուսավորության լապտերները և այլ տեխնիկա, հրկիզել էլեկտրալարերը։ Անհայտ առարկաներ են նետվում ոստիկանների վրա, մեկ ոստիկան վիրավորվել է։
Հանրահավաքի մասնակիցներին կոչ ենք անում չդիմել անօրինական գործողությունների և ենթարկվել իրավապահների ցուցումներին։ Հակառակ դեպքում ՆԳՆ-ն կգործի օրենքով իրեն տրված մանդատի շրջանակներում եւ կկիրառի Վրաստանի օրենսդրությամբ նախատեսված միջոցները»,- ասված է հաղորդագրությունում։