Ներքին գործերի նախարարության պաշտոնական վեբկայքում հրապարակվել են 2025 թվականի առաջին վեց ամսում երկրի մասշտաբով գրանցված հանցագործությունների վիճակագրական տվյալները, ըստ որոնց՝ հանցագործությունների մակարդակը նախորդ՝ 2024 թվականի նույն ժամանակահատվածի համեմատ նվազել է 795 դեպքով (-2,96%)։

Միաժամանակ, գրանցված հանցագործությունների բացահայտման մակարդակը բարձրացել է և կազմում է 66,16%։

Երկրում թմրանյութերի ապօրինի շրջանառության և տարածման դեմ իրականացված արդյունավետ իրավական քաղաքականության և ՆԳՆ-ի կողմից ծավալված անզիջում պայքարի արդյունքում 2025 թվականի երկու եռամսյակներում թմրանյութերի հետ կապված հանցագործությունների բացահայտման դեպքերը զգալիորեն աճել են։ Ընթացիկ տարվա վեց ամսում իրավապահների կողմից բացահայտվել է ընդհանուր առմամբ 3919 թմրանյութային հանցագործություն, ինչը նախորդ տարվա նույն ժամանակահատվածի համեմատ ավելի է 29%-ով։ Ոստիկանության կողմից իրականացված ակտիվ միջոցառումների արդյունքում 2025 թվականի երկու եռամսյակներում թմրանյութերի ապօրինի իրացման մեղադրանքով պատասխանատվության է ենթարկվել 263 անձ, ինչը գրեթե կրկնակի ավելի է նախորդ տարվա նույն ժամանակահատվածի համեմատ։

2025 թվականի վեց ամսում նվազել է նաև սեփականության դեմ կատարված հանցագործությունների թիվը։ Մասնավորապես՝ նվազել են բնակարանային գողության, ավազակության, խարդախության, շորթման և յուրացման/զալոքման դեպքերը։

2025 թվականին, նախորդ տարվա նույն ժամանակահատվածի համեմատ, պակասել են նաև սեռական հանցագործությունները, թրաֆիքինգը, անչափահասների վաճառքի դեպքերը, կիբերհանցագործությունները (-80 դեպք) և պաշտոնեական հանցագործությունները (-46 դեպք)։

Ընթացիկ տարվա առաջին երկու եռամսյակներում աճել են մարմնական դիտավորությամբ ծանր վնասվածք հասցնելու դեպքերը և տրանսպորտային հանցագործությունների թիվը, այդ թվում՝ 175 միավորով աճել են տրանսպորտի երթևեկության անվտանգության և շահագործման կանոնների խախտման դեպքերը։ Սակայն միևնույն ժամանակ բարձրացել է հանցագործությունների բացահայտման մակարդակը։

Երկրում առավելագույնս ապահով միջավայր ապահովելու նպատակով Ներքին գործերի նախարարության բոլոր համապատասխան ստորաբաժանումները շուրջօրյա ռեժիմով շարունակում են հանցագործությունների դեմ անզիջում պայքարը։

Տեղեկատվությունը տարածում է Ներքին գործերի նախարարությունը։