Վրաստանի Ներքին գործերի նախարարությունում կատարվել են կադրային փոփոխություններ։

Ինչպես նշում են ՆԳՆ-ում, իրականացվել են հետևյալ փոփոխությունները.

• Կենտրոնական քրեական ոստիկանության դեպարտամենտի տնօրեն Թեյմուրազ Կուպատաձեն նշանակվել է Պաշտպանության ոստիկանության դեպարտամենտի նախագահ։

• Նույն դեպարտամենտի տնօրենի տեղակալ Դավիթ Կիկնաձեն նշանակվել է Կենտրոնական քրեական ոստիկանության դեպարտամենտի տնօրեն։

• Թբիլիսիի ոստիկանության դեպարտամենտի տնօրեն է դարձել Վաժա Սիրաձեն։

• Տնօրենի տեղակալ Լևան Մաիսուրաձեն նշանակվել է Պարեկային ոստիկանության դեպարտամենտի տնօրեն։

• Թբիլիսիի դեպարտամենտի նախկին տնօրեն Լաշա Գոգնիաշվիլին դարձել է Կախեթիի ոստիկանության դեպարտամենտի տնօրեն։

• Կախեթիի ոստիկանության նախկին տնօրեն Թեյմուրազ Կալանդաձեն նշանակվել է Մցխեթա-Մթիանեթիի ոստիկանության դեպարտամենտի տնօրեն։

• Քվեմո Քարթլիի ոստիկանության դեպարտամենտի տնօրեն է դարձել Լևան Կվիցիանին։

• Նախկին տնօրեն Գուրամ Նացվլիշվիլին նշանակվել է Սամցխե-Ջավախեթիի ոստիկանության դեպարտամենտի տնօրեն։

• Սամցխե-Ջավախեթիի ոստիկանության նախկին տնօրեն Ռամազ Թաթարաշվիլին դարձել է Իմերեթիի ոստիկանության դեպարտամենտի տնօրեն։

• Իմերեթիի դեպարտամենտի նախկին տնօրեն Զազա Ծխակաիան նշանակվել է Գուրիայի ոստիկանության դեպարտամենտի տնօրեն։

• Շիդա Քարթլիի ոստիկանության դեպարտամենտի տնօրեն է դարձել Թբիլիսիի դեպարտամենտի տնօրենի տեղակալ Կախաբեր Մուրադաշվիլին։

«ՆԳՆ-ում ընթացող կադրային փոփոխությունները նպատակ ունեն համակարգի էլ ավելի ամրապնդման և զարգացման», – նշում են նախարարությունում։