ՆԳՆ-ը բողոքարկել է «Բասիանի» ակումբի միջադեպի գործով մեղադրյալին գրավի դիմաց ազատելու որոշումը
Վրաստանի ներքին գործերի փոխնախարար Նաթիա Մեզվրիշվիլիի հայտարարությամբ, «Բասիանի» ակումբի մոտ տեղի ունեցած միջադեպի ժամանակ տուժածների իրավունքները պաշտպանելու համար, իրավապահ մարմինները օգտագործել են օրենքով սահմանված բոլոր միջոցները:
Ինչպես նշել է Մեզվրիշվիլին, «Բասիանի» ակումբի մոտ տեղի ունեցած միջադեպի ժամանակ վիրավորվել է ՆԳ նախարարության մեկ աշխատակից և ակումբի անվտանգության ծառայության երկու անդամ:
«Մեղադրյալը Դիդուբե-Չուղուրեթիի վարչության 4-րդ բաժանմունքի ղեկավարի տեղակալին ընթացիկ տարվա հունվարի 13-ին վնասվածքներ է հասցրել սառը զենքով: Միջադեպի ժամանակ մեղադրյալը մարմնական վնասվածքներ է հասցրել նաև ակումբի անվտանգության ծառայության երկու աշխատակցի: Հատկանշական է, որ ոստիկանության ներկայացուցիչը վնասված է ստացել ծառայողական պարտականությունները կատարելու ժամանակ, երբ դեպքի վայրում փորձում էր պաշտպանել ակումբի աշխատակիցներին: Մեղադրյալին ձերբակալել ենք հենց տեղում, նա մեղադրվել է ՔՕ երեք հոդվածներով: Դատախազությունը պահանջել էր մեղադրյալի նկատմամբ որպես խափանման միջոց օգտագործել բանտարկություն, և բողոքարկիչ դատարանում հայց է ներկայացրել նրան գրավի դիմաց բաց թողելու քաղաքային դատարանի որոշման դեմ»,-ասել է Մեզվրիշվիլին: