Թբիլիսիի ոստիկանության վարչության Գլդանի-Նաձալադևի, Վակե-Սաբուրթալոյի և Իսանի-Սամգորիի գլխավոր բաժինների աշխատակիցները տարբեր ժամանակներում իրականացված օպերատիվ միջոցառումների և քննչական գործողությունների արդյունքում թմրանյութերի հետ կապված հանցագործությունների մեղադրանքով ձերբակալել են չորս անձի։

Այս մասին հաղորդում է Վրաստանի ՆԳ նախարարությունը։

Գերատեսչության տվյալներով՝ թմրանյութերի խոշոր և առանձնապես խոշոր չափերի ապօրինի ձեռքբերման և պահպանման, ապօրինի վաճառքին նպաստելու և առանց բժշկի նշանակման թմրանյութերի ապօրինի օգտագործման մեղադրանքով ձերբակալվել են հետևյալ անձինք՝ Ս.Ա.-ն ծնված 1996 թվականին, Ն.Վ.-ն ծնված 1988 թվականին, նախկինում դատված՝ Ի.Ե.-ն ծնված 1993 թվականին, և Վ.Կ.-նծնված 1989 թվականին։

«Ձերբակալվածների անձնական և բնակելի բնակարանների խուզարկության ժամանակ իրավապահ մարմինների աշխատակիցները որպես ապացույց առգրավել են վաճառքի համար պատրաստված խոշոր և առանձնապես խոշոր չափերի թմրանյութեր, այդ թվում՝ «Ալֆա ՊՎՊ», «Մեթադոն» և «Չորացրած մարիխուանա»։

Հանցագործությունները պատժվում են մինչև 20 տարի կամ ցմահ ազատազրկմամբ։

Քննությունը շարունակվում է Քրեական օրենսգրքի 260-րդ, 260-րդ քառորդ և 273-րդ հոդվածներով», – ասվում է ՆԳՆ հաղորդագրության մեջ։