Ներքին գործերի նախարարությունը Վրաստանում տարբեր ժամանակներում իրականացված քննչական և դատավարական միջոցառումների արդյունքում որպես ապացույց առգրավված թմրանյութ է ոչնչացրել, որի ընդհանուր արժեքը սև շուկայում կազմում է ավելի քան 37 մլն. լարի:

ՆԳՆ-ից հայտնում են, որ դատաբժշկական վարչության աշխատակիցները հատուկ մշտական ​​հանձնաժողովի անդամների ներկայությամբ, դատարանի որոշմամբ՝ ՆԳ նախարարի համապատասխան հրամանի հիման վրա աստիճանաբար ոչնչացնում են թմրամիջոցները և հոգեակտիվ նյութերը։

Ներքին գործերի նախարարությունն այս տարի ոչնչացրել է ապօրինի շրջանառությունից առգրավված թմրանյութեր. 23 կիլոգրամ 759 գրամ հերոին, 12 127 հաբ Subutex, ինը կիլոգրամ կոկաին, 220 գրամ MDMA, 347 գրամ մեթադոն, մեկ տոննա 655 կիլոգրամ կանեփ, մեկ տոննա 15 կգ «Մարիխուանա», «MDMA» պարունակող 1000 հաբ, 367 պարկուճ/դեղահատ «Տրամադոլ», 125 հաբ՝ «մեթադոն» պարունակող, 896 գրամ կանեփի խեժ, 229 գրամ «Ալֆա ՊՎՊ», 679 պարկուճ «Պրեգա» 260. գրամ նոր հոգեակտիվ նյութ, 580 պարկուճ «Pseudoephedrine».

Իրավապահները ապօրինի շրջանառությունից առգրավված թմրանյութերը վերացրել են ժամանակակից բնապահպանական չափանիշներին համապատասխան բարձր ջերմաստիճանի վառարանում:

Թմրամիջոցների ոչնչացման գործընթացին մասնակցել են ՆԳՆ-ի, Առողջապահության նախարարության և Գլխավոր դատախազության աշխատակիցները»,- ասված է հաղորդագրությունում։