Միացյալ Նահանգների Թմրամիջոցների դեմ պայքարի վարչության (DEA) և Թմրամիջոցների դեմ պայքարի և իրավապահ մարմինների հետ համագործակցության միջազգային բյուրոյի (INL) կողմից կազմակերպվել է թմրամիջոցների հետաքննության վերաբերյալ վերապատրաստման դասընթաց ներքին գործերի ախարարության քննիչների համար:

Թրեյնինգի փակման արարողությանը ներկա էին ներքին գործերի նախարարի առաջին տեղակալ Շալվա Բեդոիձեն եւ Վրաստանում ԱՄՆ դեսպան Քելլի Դեգնանը: Շրջանավարտներին համապատասխան վկայականներ հանձնեցին նախարարի առաջին տեղակալը և ԱՄՆ դեսպանը:

Նախարարի առաջին տեղակալը շնորհակալություն է հայտնել Ամերիկայի Միացյալ Նահանգների դեսպանին տարիների սերտ համագործակցության և աջակցության համար։

ԱՄՆ դեսպանը կարեւորել է թմրամիջոցների հետաքննության ուղղությամբ իրավապահ մարմինների վերապատրաստումը եւ միջազգային փորձի փոխանակումը:

«Ես ուզում եմ շնորհակալություն հայտնել ձեզ այն ամենի համար, ինչ անում եք ամեն օր։ Դուք աշխատում եք այնպիսի իրավիճակներում, որոնք պահանջում են մեծ քաջություն, կարգապահություն, հատուկ հմտություններ և պրոֆեսիոնալիզմի բարձր մակարդակ, ինչն իսկապես ուշագրավ է։

«Ուզում եմ շնորհակալություն հայտնել այստեղ ապրող կամ զբոսաշրջիկ ամերիկացիների, ինչպես նաև Վրաստանի քաղաքացիների անվտանգությունը պաշտպանելու համար։ Դա իսկապես տպավորիչ է և հարգանքի արժանի»,- ասաց ԱՄՆ դեսպանը։

Դասընթացի ընթացքում ուսանողները տեղեկացվեցին այնպիսի կարևոր հարցերի մասին, ինչպիսիք են՝ թմրամիջոցների հայտնաբերումը, գաղտնի հետախուզական գործողությունները և ֆինանսական հետաքննությունը:

Տեղեկությունը տարածում է Վրաստանի ներքին գործերի նախարարության մամուլի ծառայությունը: