Ներքին գործերի նախարարությունում տեղի է ունեցել հաշմանդամություն ունեցող անձանց իրավունքների հարցերով զբաղվող խորհրդատվական խմբի հանդիպումը
Հաշմանդամություն ունեցող անձանց իրավունքների հարցերով զբաղվող խորհրդատվական խմբի անդամները հանդիպել են ՆԳՆ ներկայացուցիչների հետ՝ քննարկելու հաշմանդամություն ունեցող անձանց իրավունքների պաշտպանությանն ուղղված միջոցառումները, ինչպես նաև ապագա առաջնահերթությունները։
Հանդիպումը բացել է ՆԳ նախարարի տեղակալ Ալեքսանդրե Դարախվելիձեն։ Մասնակիցներին է դիմել նաև Վրաստանի խորհրդարանի Մարդու իրավունքների և քաղաքացիական ինտեգրման հանձնաժողովի նախագահ Ռատի Իոնաթամիշվիլին։
Հանդիպման ընթացքում ամփոփվել են վերջին տարիներին ՆԳՆ համակարգում հաշմանդամություն ունեցող անձանց իրավունքների պաշտպանության ուղղությամբ իրականացված աշխատանքները։ Ուշադրություն է դարձվել նաև ապագա գործողությունների ծրագրի մշակման և իրականացման գործընթացում հաշմանդամություն ունեցող անձանց արդյունավետ ներգրավմանն ու նրանց կարիքների հաշվառմանը։
Իրավապահ մարմնի ծառայություններից հաշմանդամություն ունեցող անձանց հավասար և արդյունավետ օգտվելն ապահովելու նպատակով՝ հանդիպմանը հատուկ շեշտադրվել է հաշմանդամություն ունեցող անձանց համայնքի հետ շարունակական խորհրդակցությունների և արդյունքին միտված համագործակցության կարևորությունը։ Հանդիպմանը մասնակցել են նախարարության կառուցվածքային ստորաբաժանումների ղեկավարներ և խորհրդատվական խմբի անդամներ՝ հաշմանդամություն ունեցող անձանց համայնքի ներկայացուցիչներ։
Այս մասին հայտնել է Վրաստանի ներքին գործերի նախարարությունը։