Ներքին գործերի նախարարության Ռաչա-Լեչխումի և Վերին Սվանეთის ոստիկանության դեպարտամենտի աշխատակիցները իրականացրած օպերատիվ միջոցառումների և քննչական գործողությունների արդյունքում կանխամտածված սպանության մեղադրանքով «թարմ հետքերով» ձերբակալել են նախկինում դատապարտված, 1987 թ. ծնված Շ.Գ.-ին։ Այս մասին հաղորդում է ՆԳՆ-ն։

Գերատեսչության տեղեկությամբ՝ հանցագործությունը նախատեսում է 10-ից 15 տարվա ազատազրկում։

«Քննությամբ պարզվել է, որ Ամբրոլաուրիի շրջանի Քեդիսուբանի գյուղում մեղադրյալ Շ.Գ.-ն փոխադարձ վիճաբանության հիմքով Կ.Վ.-ին մահացու վնասվածքներ է հասցրել բութ առարկայով, ինչի հետևանքով Կ.Վ.-ն մահացել է։

Քննությունը շարունակվում է Վրաստանի քրեական օրենսգրքի 108-րդ հոդվածով», – ասված է ՆԳՆ-ի տարածած հաղորդագրությունում։