Ներքին գործերի նախարարության կենտրոնական քրեական ոստիկանության դեպարտամենտի Աջարիայի գլխավոր վարչության աշխատակիցները ձերբակալել են Թուրքիայի Հանրապետության կողմից միջազգային մակարդակով հետախուզվող, 2000 թվականին ծնված Է.Բ.-ին: Այս մասին տեղեկությունը տարածում է ՆԳՆ-ն:

Գերատեսչության տվյալներով՝ ձերբակալված Է.Բ.-ն հետախուզվում էր Թուրքիայի Հանրապետության իրավապահ մարմինների պահանջով՝ տարբեր ծանր հանցագործություններ կատարելու համար:

«Ոստիկանությունը, Խելվաչաուրիի մունիցիպալիտետում գտնվող ձերբակալվածի ժամանակավոր բնակության վայրի խուզարկության ժամանակ, որպես իրեղեն ապացույց առգրավել է ապօրինի հրազեն և ռազմամթերք: Փաստի առթիվ հետաքննություն է ընթանում քրեական օրենսգրքի 236-րդ հոդվածի 3-րդ և 4-րդ մասերով, ինչը նախատեսում է ազատազրկում մինչև 7 տարի ժամկետով:

Ձերբակալվածն այս պահին գտնվում է քրեակատարողական հիմնարկում», – նշված է ՆԳՆ-ի տարածած տեղեկատվության մեջ: