Վրաստանի մշակույթի, սպորտի և երիտասարդության հարցերի նախարարության կառավարման տակ գտնվող չորս թատրոնների գեղարվեստական ​​ղեկավարների թեկնածությունները հաստատման համար ներկայացվել են նախարարին։ Այս մասին տեղեկություն է տարածում Վրաստանի մշակույթի, սպորտի և երիտասարդության հարցերի նախարարությունը։

Գերատեսչության հաղորդմամբ, այս թեկնածուներն են. Նոդար Դումբաձեի անվան պատանի հանդիսատեսի թատրոնի գեղարվեստական ​​ղեկավարի պաշտոնում՝ Դիմիտրի Խվթիսիաշվիլին. Թբիլիսիի Պետրոս Ադամյանի անվան պետական դրամատիկական թատրոնի գեղարվեստական ղեկավարի պաշտոնում՝ Արմենակ Բայանդուրիանի. Մեսխեթիի (Ախալցիխեի) պրոֆեսիոնալ պետական թատրոնի գեղարվեստական ղեկավարի պաշտոնում՝ Նազո Սուլուաշվիլիի, իսկ Թելավիի թատրոնի գեղարվեստական ղեկավարի պաշտոնում՝ Պաատա Գուլիաշվիլիի թեկնածությունը:

«Մշակույթի նախարարությունը նաև որոշել է Դավիթ Դոիաշվիլիին առաջադրել Վասո Աբաշիձեի անվան երաժշտական ​​և դրամատիկական թատրոնի գեղարվեստական ​​ղեկավարի պաշտոնում։ Բացի այդ, մշակույթի նախարարությունը որոշել է չեղարկել Գիորգի Էրիսթավիի Գորիի պետական ​​դրամատիկական թատրոնի գեղարվեստական ​​ղեկավարի ընտրության մրցույթը և այսօր կրկին կհայտարարվի տվյալ թատրոնում գեղարվեստական ​​ղեկավարի մրցույթ։

Ինչպես հայտնի է, Վրաստանի մշակույթի, սպորտի և երիտասարդության նախարարության կառավարման ոլորտում գործող թատրոններից 2022 թվականի հունվարի 1-ին լրացել է 21 թատրոնի գեղարվեստական ​​ղեկավարի 4-ամյա ժամկետը։ Ուստի 2021 թվականի դեկտեմբերից Մշակույթի նախարարությունն արդեն հայտարարել է 15 թատրոնների գեղարվեստական ​​ղեկավարների ընտրության մրցույթ»,- ասված է հաղորդագրությունում։

Նախարարությունը նաև նշում է, որ հունվարի 12-ին Վասիլ Չիգոգիձեն նշանակվել է Ալեքսանդր Ծուծունավայի անվան Օզուրգեթիի պետական ​​դրամատիկական թատրոնի գեղարվեստական ​​ղեկավար, իսկ Նիկոլոզ Սաբաշվիլին՝ Գիորգի Միքելաձեի անվան Թբիլիսիի պետական ​​տիկնիկային թատրոնի տնօրեն։

Գերատեսչության տվյալներով՝ նշված անձինք «Պրոֆեսիոնալ թատրոնների մասին» Վրաստանի օրենքին համապատասխան թատրոնի ղեկավարի պաշտոնը կզբաղեցնեն 4 տարի ժամկետով։

Միևնույն ժամանակ, Մշակույթի նախարարը, «Պրոֆեսիոնալ թատրոնների մասին» Վրաստանի օրենքի 10-րդ հոդվածի 8-րդ կետի «գ» ենթակետի համաձայն, գործադրեց իր հայեցողությունը՝ առանց մրցույթի նախարարության կառավարման ներքո գտնվող չորս թատրոնների գեղարվեստական ​​ղեկավարներ նշանակելու մասին: Նշանակումները հետևյալն են. Ռեզո Գաբրիաձեի անվան թատրոնի գեղարվեստական ղեկավար է նշանակվել՝ դերասան Լևան Գաբրիաձեն, Ստվերների պրոֆեսիոնալ պետական թատրոնի «Աբխազիայի» գեղարվեստական ղեկավար է նշանակվել՝ Գելա Կանդելակին, Շոթա Ռուսթավելու անվան ազգային թատրոնի գեղարվեստական ​​ղեկավար Ռոբերտ Ստուրուան, իսկ Ավթանդիլ Վարսիմաշվիլին՝ Գրիբոեդովի անվան թատրոնի գեղարվեստական ​​ղեկավար։