Նավիգացիոն MarineTraffic հարթակի տվյալներով՝ այսօր լուսադեմին մի քանի նավ երկու ուղղություններով անցել են Հորմուզի նեղուցով
Նավիգացիոն MarineTraffic հարթակի տվյալներով՝ այսօր լուսադեմին մի քանի նավ երկու ուղղություններով անցել են Հորմուզի նեղուցով։ Այս մասին տեղեկությունը տարածում է «Սքայ Նյուզը» (Sky News)։
Նրանց փոխանցմամբ՝ Հնդկաստանի դրոշի ներքո նավարկող չորս փոքր նավեր առանց խոչընդոտների անցել են Օմանի ջրերով։
Բացի այդ, հայտնի է դառնում, որ նեղուցի հյուսիսային մասով անցել է նաև Հոնկոնգի դրոշի ներքո նավարկող TRIMMU 3 հեղուկ գազի տանկերը։
Տեղեկության համար նշենք, որ Իսրայելի և Լիբանանի միջև հրադադարի համաձայնագիրն ուժի մեջ է մտել ապրիլի 17-ին և կգործի տասը օր։ Իրանի արտաքին գործերի նախարար Աբաս Արաղչին հայտարարել է, որ Հորմուզի նեղուցը բաց կլինի բոլոր առևտրային նավերի համար Իսրայել-Լիբանան հրադադարի ժամանակահատվածում։