ՆԱՏՕ-ն մեծացնում է իր ռազմական ներկայությունը Բալթիկ ծովում՝ ի պատասխան Դանիայի օդային տարածքում անօդաչու թռչող սարքերի նկատման։ Դաշինքը հայտարարել է, որ Բալթիկ ծով կուղարկի հակաօդային ֆրեգատ և լրացուցիչ հսկողության սարքավորումներ։

ՆԱՏՕ-ն հայտարարել է, որ ավելի է ամրապնդում իր հսկողության ջանքերը՝ նոր միջոցներով։ Դաշինքը չի նշել, թե որ երկրներն են տրամադրելու միջոցները։

Նոր ուժերը կաջակցեն ՆԱՏՕ-ի «Բալթիկ պահապան» առաքելությանը, որը սկսվել է հունվարին՝ Բալթիկ ծովում ստորջրյա մալուխների, գազատարների և հեռահաղորդակցության գծերի վնասման հետևանքով։

ՆԱՏՕ-ն արդեն իսկ ունի ֆրեգատներ, պարեկային ինքնաթիռներ և ծովային անօդաչու թռչող սարքեր, որոնք տեղակայված են Բալթիկ ծովում՝ կարևորագույն ենթակառուցվածքները պաշտպանելու համար։ Սեպտեմբերին մեկնարկեց նաև ՆԱՏՕ-ի «Արևելյան պահապան» առաքելությունը, որի նպատակն է ամրապնդել Եվրոպայի արևելյան թևը։