Էկոնոմիկայի և կայուն զարգացման նախարար Նաթիա Թուրնավան հանդիպել է ռեստորանային արդյունաբերության, այդ թվում `հյուրընկալության ոլորտի նախաձեռնող խմբի ներկայացուցիչների հետ: Հանդիպմանը մասնակցում էին արդյունաբերության տարբեր միություններ՝ ռեստորանային ասոցիացիայի, գաստրոնոմիայի ասոցիացիայի, գաստրոնոմիկ զբոսաշրջության բիզնես ասոցիացիայի և շուրջ 30 ռեստորանների ներկայացուցիչներ:

Ըստ էկոնոմիկայի նախարարության, հանդիպմանը քննարկվել են ոլորտի մարտահրավերներն ու պահանջները: Ընդ որում, ընդգծվել է կառավարության հակաճգնաժամային ծրագրի 4-րդ փուլի շրջանակներում ռեստորանային արդյունաբերության համար սահմանված արտոնությունները: Մասնավորապես, ծրագրի չորրորդ փուլի շրջանակներում, զբոսաշրջության ոլորտը, ներառյալ ռեստորանային արդյունաբերությունը կազատվեն գույքահարկից 2021 թվականին, ինչպես նաև վեց ամսվա ընթացքում ռեստորանային արդյունաբերության համար սուբսիդավորվելու է բանկի և լիզինգային վարկերի տոկոսները և այս ծրագիրն արդեն սկսվել է:

Նշվել է, որ բարդ համավարակաբանական իրավիճակի պատճառով կետային սահմանափակումների հաստատումը տեղի է ունեցել բիզնեսի հետ կապի և խորհրդակցության արդյունքում:

«Այնուամենայնիվ, մենք շատ լավ հասկանում ենք, որ զբոսաշրջության արդյունաբերությունը դժվար ժամանակաշրջան ունի, և ռեստորանային ոլորտը բացառություն չէ: Բայց պետք է ասել, որ այսօր բարձրացված հարցերից մեկը արդեն որոշվել է կառավարության կողմից: Այսօրվա հանդիպմանը մենք արդեն խոսում էինք իրականացման և տեխնիկական հարցերի մասին, որոնք կարող են ծագել ռեստորանային արդյունաբերության համար, նույնիսկ նույն վարկի տոկոսների սուբսիդավորման ծրագրին մասնակցելու համար: Այս ծրագիրն արդեն հաստատվել է և անհրաժեշտ է լուծել հատուկ տեխնիկական խնդիրներ: Հատկանշական է, որ ոլորտը ողջունում է այնպիսի հարցերը, ինչպիսիք են հարկային արտոնությունները և կարևոր են արդյունաբերության համար»,- հայտարարել է Նաթիա Թուրնավան:

Նախարարի խոսքով, հիմնական պահանջն այն է, որ ռեստորանները առավելագույնս պահեն աշխատողներին և չնայած բարդ ժամանակաշրջանին ռեստորանային բիզնեսը փորձում է ամեն ինչ անել աշխատակազմին պահելու համար:

«Մեկ այլ խնդիր, որի շուրջ նրանք օգնության կարիք ունեն, դա առաքման ծառայությունն է, դուրս բերման ծառայությունը, ավելի լավ աշխատելու համար: Ինչպես գիտեք, կառավարության որոշմամբ նրանք կարող են շարունակել աշխատել այս ռեժիմով: Ոլորտի հետ այսօր կայացած հանդիպմանը մենք պայմանավորվեցինք շարունակել ակտիվ շփումը, անցկացնել ոլորտային հանդիպումներ, հատուկ խնդիրների լուծման համար և ես համոզված եմ, որ կկարողանանք լուծել շատ խնդիրներ»,- հայտարարել է Նաթիա Թուրնավան:

Հանդիպմանը մասնակցում էին նաև էկոնոմիկայի և կայուն զարգացման փոխնախարար Իրակլի Նադարեիշվիլին, «Արտադրիր Վրաստանում» գործակալության փոխտնօրեն Իրակլի Գաբրիաձեն, Զբոսաշրջության ազգային վարչակազմի ղեկավարի պաշտոնակատար Մեդեա Ջանիաշվիլին և Բիզնես օմբուդսմենի պաշտոնակատար Նինո Կվետենաձեն: