Ապրիլ և մայիս ամիսների աննախադեպ տնտեսական աճը թույլ է տալիս մեզ ենթադրել, որ այս տարի տնտեսական աճը կկազմի առնվազն ութ տոկոս, – ասաց էկոնոմիկայի և կայուն զարգացման նախարար Նաթիա Թուրնավան:

Նրա խոսքով, անհրաժեշտ է տասնապատիկ ջանքեր գործադրել, որպեսզի Վրաստանը տնտեսական աճի տեսանկյունից առաջատար պետություն լինի տարածաշրջանում:

«Երբ մենք ասում ենք, որ համաճարակից հետո, երբ մենք 2020 թվականին ունեցանք 6,2 տոկոս տնտեսական անկում, տնտեսական աճի տեսանկյունից, մենք կշարունակենք մնալ տարածաշրջանի առաջատար պետություններից մեկը: Սա նշանակում է, որ մենք պետք է կրկնապատկենք մեր ջանքերը առաջատարի կարգավիճակ ձեռք բերելու համար: Վերջին ամիսներին մենք տեսանք, որ դա հնարավոր է. Ապրիլ և մայիս ամիսների աննախադեպ տնտեսական աճը թույլ է տալիս ենթադրել, որ այս տարի տնտեսական աճը կկազմի առնվազն ութ տոկոս: Սա նշանակում է, որ մենք ամբողջությամբ կզրոյացնենք անցյալ տարվա անկումը և կանցնենք բացարձակ աճի, այնուհետև 2025-2030 թվականներին կպահպանենք 5-5,2% աճ, ինչը կամրապնդի մեր տարածաշրջանային առաջատարի կարգավիճակը տնտեսական աճի տեսանկյունից»,- ասաց Նաթիա Թուրնավան: