Զբոսաշրջության վերականգնումը մեր տնտեսության վերականգնման նախապայմանն է,- այս մասին միջգերատեսչական համակարգման խորհրդի նիստից հետո հայտարարել է Վրաստանի էկոնոմիկայի և կայուն զարգացման նախարար Նաթիա Թուրնավան:

Ինչպես նշել է Նաթիա Թուրնավան, որոշվել է, որ հունիսի 1-ից ամբողջ երկրի մասշտաբով ռեստորաններն աշխատելու են ոչ միայն բաց տարածքներում, այլև կատարելապես՝ նաև փակ տարածքներում:

«Մենք միջգերատեսչական խորհրդում ևս մեկ դրական, շատ կարևոր որոշում կայացրեցինք զբոսաշրջության և ընդհանրապես տնտեսության ոլորտում, քանի որ զբոսաշրջության վերականգնումը մեր տնտեսության վերականգնման նախապայմանն է: Ինչպես խոստացել էինք մեկ շաբաթ առաջ, եթե մեր համաճարակը վերահսկելի մնար, և հենց այդպես էլ եղավ, հունիսի առաջին շաբաթվա հանգստյան օրերին մենք կկարողանայինք լիովին բացել մեր սննդի կետերը: Հունիսի 1-ից որոշում է կայացվել, որ երկրի ողջ տարածքում ռեստորանները կաշխատեն ոչ միայն բաց տարածքում, այլև փակ տարածքում, ինչը շատ կարևոր է մեր զբոսաշրջիկների, քաղաքացիների և, իհարկե, ռեստորանային արդյունաբերության համար»,- հայտարարել է Նաթիա Թուրնավան:

Հունիսի մեկից ամբողջությամբ վերացվել է սննդի օբյեկտների համար հանգստյան օրերին գործող սահմանափակումը: Ռեստորանները կկարողանան հյուրեր ընդունել նույնիսկ ներսում՝ փակ տարածքում: