«2025 թվականը պահուստների տեսանկյունից շատ դրական զարգացում էր, մեր պահուստները հասել են պատմական առավելագույնին», – այս մասին հայտարարել է Ազգային բանկի նախագահ Նաթիա Թուրնավան։

Նրա խոսքով՝ այս տարին նույնպես վատ չէ, չնայած գլոբալ մարտահրավերներին։

«Ելնելով մեր արտարժույթի շուկայում տիրող կայունությունից և որոշակիորեն լարիի արժևորման միտումից՝ մենք օգտվում ենք դրանից և շարունակում ենք համալրել պահուստները։ Ինչ վերաբերում է Արժույթի միջազգային հիմնադրամի կողմից սահմանված համարժեքության շեմին, ապա 2025 թվականին՝ 2022 թվականից ի վեր առաջին անգամ, մենք գերազանցեցինք համարժեքության 100 տոկոսանոց շեմը և այժմ էլ գտնվում ենք 100 տոկոսից բարձր մակարդակի վրա։ Սա լավ ձեռքբերում է, սակայն կարծում ենք, որ դա բավարար չէ, և պետք է շարունակենք աճեցնել պահուստները ինչպես անվանական արտահայտությամբ, այնպես էլ համարժեքության մակարդակի նկատմամբ, և այդպես էլ կվարվենք», – հայտարարել է Թուրնավան։