Վիճակագրության ազգային ծառայության հրապարակած տնտեսական աճի նախնական գնահատականի համաձայն, 2021 թվականի սեպտեմբերին գրանցվել է 6,9 տոկոս աճ, ինչը լավ ցուցանիշ է։ Ավելի կարևոր է, որ այս տարվա առաջին ինն ամիսների աճի կուտակային ցուցանիշը կազմել է 11,3 տոկոս։ Սա էլ ավելի մեծ հույս է տալիս, որ ընթացիկ տարին կարող ենք ավարտել երկնիշ աճով,- այսպես է գնահատել էկոնոմիկայի և կայուն զարգացման նախարար Նաթիա Թուրնավան Վրաստանի տնտեսական աճի վիճակագրությունը, որը հրապարակվել է այսօր։

Նախարարը հատուկ ուշադրություն է դարձրել վերամշակող և հանքարդյունաբերության, ինչպես նաև առևտրի, էներգետիկայի, տրանսպորտի և պահեստավորման և հյուրընկալության ոլորտներին, որտեղ բարձր աճ է դիտվել։

Նրա խոսքով, Վրաստանում զբոսաշրջության վերականգնումն ընթանում է բարձր տեմպերով։ Մասնավորապես, զբոսաշրջությունից ստացված եկամուտների վերականգնման մակարդակը 2019 թվականի սեպտեմբերին կազմել է միջազգային զբոսաշրջությունից ստացված եկամուտների 51 տոկոսը։

«Սա նշանակում է, որ զբոսաշրջության ոլորտում դրական միտումներ կան, և ոլորտը շուտով կհասնի նախահամաճարակային մակարդակի»,- ասաց Նաթիա Թուրնավան։

Տեղեկությունը տարածում է էկոնոմիկայի նախարարության մամուլի ծառայությունը։