Մենք քաջ գիտակցում ենք, որ սահմանափակումները պետք է համաչափ լինեն իրավիճակի հետ: Լեգիտիմությունն ու համաչափությունն այն հիմնական սկզբունքներն էին, որոնցով առաջնորդվում էինք, երբ դիմեցինք նախագահին արտակարգ դրություն հայտարարելու առաջարկով,- նշել է Նաթիա Մեզվրիշվիլին խորհրդարանի նիստի ժամանակ:

Խորհրդարանում այսօր քվեարկում են արտակարգ դրությունը մինչև մայիսի 22-ը հետաձգելու համար:

Ըստ Նաթիա Մեզվրիշվիլիի, որոշման հիմնական նպատակը վիրուսի տարածումը դանդաղեցնելն էր և դրանով քաղաքացիների կյանքն ու առողջությունը պաշտպանելը:

Նա շնորհակալություն է հայտնել Վրաստանի նախագահին, խորհրդարանին, ինչպես նաև վիրուսի դեմ պայքարող բժիշկներին, ոստիկաններին և այն քաղաքացիներին, ովքեր ցուցաբերել են քաղաքացիական պատասխանատվություն և հնազանդվել են ինչպես կառավարության կողմից տրված խորհուրդներին, այնպես էլ արտակարգ դրության ժամանակ կիրառված սահմանափակումներին: