Մշակութային ժառանգության պաշտպանության ազգային գործակալությունը տեղեկատվություն է տարածում Վարձիայի թանգարան-արգելոցի տարածքում քարաթափման և իրականացվող միջոցառումների մասին
Վրաստանի մշակութային ժառանգության պաշտպանության ազգային գործակալության տվյալներով՝ Վարձիայի թանգարան-արգելոցի տարածքում պարբերաբար զարգանում են քարաթափման գործընթացներ, քանի որ համալիրը գտնվում է սեյսմիկ ակտիվ գոտում:
Գործակալության տվյալներով՝ քարաթափումների կանխարգելման միջոցառումների շրջանակներում Մշակութային ժառանգության պաշտպանության գործակալությունը պաշտպանիչ ցանցեր է տեղադրել բարձր ռիսկի գոտիներում, և տարածքը գտնվում է գործակալության համապատասխան մասնագետների մշտական հսկողության ներքո։
«Այս տարի Վարձիայում այսպես կոչված Գաղտնի թունելի մոտակայքում ակտիվացած քարաթափման գործընթացը վնասել է արահետը և պաշտպանիչ ճաղաշարը։ Թանգարան-արգելոցի աշխատակիցների և այցելուների անվտանգությունն ապահովելու համար նշված հատվածը ժամանակավորապես փակվել է։
Մինչ օրս այսպես կոչված Գաղտնի թունելի շրջակայքում իրավիճակը նկարագրվել և ուսումնասիրվել է գործակալության ներկայացուցիչների և Վրաստանի տեխնիկական համալսարանի երկրաբանների կողմից։ Իրավիճակի գնահատման արդյունքում որոշվել է, որ կրկնակի քարաթափման սպառնալիքը նվազագույն է, հետևաբար, փլուզված նյութի հեռացումը, պաշտպանիչ ցանցերի տեղադրումը և վնասված ճաղաշարի վերականգնումը կսկսվեն առաջիկա օրերին։ Աշխատանքների ավարտից հետո այցելուների տեղաշարժը Վարձիայի ամբողջ տարածքում լիովին կվերականգնվի։
Նշենք, որ Վարձիան ազգային նշանակության մշակութային ժառանգության հուշարձան է, հետևաբար, ցանկացած միջամտություն/միջոցառում իրականացվում է միայն նախկինում անցկացված հատուկ ուսումնասիրությունների և համապատասխան մեթոդաբանության հիման վրա, ինչը պահանջում է որոշակի ժամանակ», – նշվում է տեղեկատվության մեջ։