Մոնպելյեում անհայտ անձը կրակ է բացել, արդյունքում ծանր վիրավորվել է մեկ մարդ
18:38, 25.06.2018
Մոնպելյեում անհայտ անձը կրակ է բացել: Միջադեպի հետևանքով ծանր վիրավորվել է մեկ մարդ: Նրան տեղափոխել են հիվանդանոց: Այլ վիրավորների մասին լրատվություն չի տարածվում:
Տեղական մամուլի լրատվությամբ, միջադեպը տեղի է ունեցել քաղաքի հյուսիս-արևմտյան շրջանում: Հանցագործը մոտ 20 տարեկան է: Նա գտնվում էր կանգառներից մեկի մոտ:
Միջադեպի վայրը շրջափակված է:
Հարձակման դրդապատճառը անհայտ է:
Ֆրանսիական մամուլը գրում է, որ կրակոցները հավանաբար կապ են ունեցել քրեական հաշիվ մաքրելու հետ:
