Միխեիլ Սաակաշվիլին ապրիլի մեկին պատրաստվում է մեկնել Ուկրաինա և հայտարարում է, որ արդեն գնել է տոմսը

12:45, 13.03.2019

Վրաստանի նախկին նախագահ և Օդեսայի նահանգի նախկին նահանգապետ Միխեիլ Սաակաշվիլին պատրաստվում է ապրիլի մեկին վերադառնալ Ուկրաինա: Այս մասին նա տեղեկացրել է ուկրաինական «Գորդոն» օնլայն-հրատարակությանը:

Միխեիլ Սաակաշվիլու խոսքով, Ուկրաինա կերադառնա այն բանից հետո, երբ մարտի 31-ին նախատեսված նախագահական ընտրությունների արդյունքում Պետրո Պորոշենկոն չի անցնի երկրորդ փուլ: Ինչպես նշել է Օդեսայի նախկին նահանգապետը, Ուկրաինա է մեկնելու Լեհաստանից:

«Նախատեսում եմ մեկնել Բորիսպոլ: Այս տոմսը գնել եմ, քանի որ վստահ եմ, որ Պորոշենկոն չի անցնի երկրորդ փուլ: Իսկ, երբ նա չանցնի երկրորդ փուլ, վստահ եմ, ոչ մի սահմանապահ չի կատարի նրա հրամանը»,- հայտարարել է Միխեիլ Սաակաշվիլին:

Միխեիլ Սաակաշվիլու հայտարարությամբ, ինքը հավատում է, որ Ուկրաինայի ապագան առանց Պետրո Պորոշենկոյի է:

Միխեիլ Սաակաշվիլիին Ուկրաինայից Լեհաստան էին արտաքսել 2018 թվականին: Այժմ, նա բնակվում է Նիդերլանդներում:

Հեղինակ - Anna Badalian

Քաղաքական