«Զուրաբ Ադեիշվիլին նշանակվել է Ուկրաինայի Ինտերպոլի ղեկավար, իմ զինակից Գոգա Ցխակայան նշանակվել է Ուկրաինայի պաշտպանության նախարարի խորհրդական. կարճ ասած՝ միայն ես եմ մնում ռուսական գերության մեջ», – այս մասին սոցիալական ցանցում գրում է Վրաստանի նախկին նախագահ Միխեիլ Սաակաշվիլին։

Նրա խոսքով՝ Զուրաբ Ադեիշվիլին նոր պաշտոնում կաշխատի Ուկրաինայում հանցագործություն կատարած անձանց ձերբակալման և արտերկրից արտահանձնման ուղղությամբ։

«Զուրաբ Ադեիշվիլին գլխավորում էր գլխավոր դատախազության այն խումբը, որը հավաքում և փաստաթղթավորում էր ռուսների կողմից Ուկրաինայի տարածքում կատարված հանցագործությունների փաստերը։ Նոր պաշտոնում Զուրաբը կզբաղվի Ուկրաինայում հանցագործություն կատարածների ձերբակալմամբ և արտերկրից արտահանձնմամբ, ինչպես նաև՝ արտերկրում հանցագործություն կատարածների հետախուզմամբ Ուկրաինայի տարածքում։

Բացի այդ, իմ բազմամյա զինակից և հիանալի մարդ Գոգա Ցխակայան նշանակվել է իմ ընկերոջ՝ Ուկրաինայի պաշտպանության նախարար Միխեիլ Ֆեդորովի խորհրդական (նկատի ունի թվային տրանսֆորմացիայի նախարարին)։ Սա հատկապես կարևոր է հիմա, երբ Ուկრაինան հաջողություններ ունի ճակատում։

Հաջողությամբ շարունակում է իր աշխատանքը Ուկրաինայի Ազգային հակակոռուպցիոն բյուրոյի ղեկավար Սեմյոն Կրիվոնոսը, ով հինգ տարի եղել է իմ թիմի անդամը Կիևում և Օդեսայում», – գրում է Սաակաշվիլին։