Միխեիլ Ղավելաշվիլին հանդիպել է Աջարիայի Ինքնավար Հանրապետության կառավարության նախագահի հետ
Վրաստանի նախագահ Միխեիլ Ղավելաշվիլին հանդիպել է Աջարիայի Ինքնավար Հանրապետության կառավարության նախագահ Սուլխան Թամազաշվիլիի հետ։
Աջարիայի կառավարության տանը կայացած հանդիպման ժամանակ քննարկվել է տարածաշրջանում ստեղծված իրավիճակը։ Խոսվել է նաև զբոսաշրջային սեզոնի ընթացքի և այս ուղղությամբ իրականացվող նոր նախագծերի մասին։
Հանդիպման ընթացքում քննարկվել են Աջարիայի առջև ծառացած մարտահրավերները և դրանց լուծման ուղիները։
Միխեիլ Ղավելաշվիլին Սուլխան Թամազաշվիլիից տեղեկություններ է լսել իր ապագա ծրագրերի մասին և կրկին մաղթել հաջողություններ պատասխանատու պաշտոնում։