Միխեիլ Ղավելաշվիլի. Սլովակիայի նախագահի հետ հանդիպմանը մենք քննարկեցինք հարաբերությունների հետագա խորացման ուղիները՝ ընդգծելով ոլորտային համագործակցության ակտիվացման կարևորությունը
ՄԱԿ-ի Գլխավոր ասամբլեայի շրջանակում Վրաստանի նախագահ Միխեիլ Ղավելաշվիլին հանդիպել է Սլովակիայի նախագահ Պետեր Պելեգրինիի հետ։
Ինչպես Միխեիլ Ղավելաշվիլին գրել է սոցիալական ցանցում, հանդիպման ընթացքում քննարկվել են երկու երկրների միջև առկա համագործակցության հիմնական ուղղությունները և հարաբերությունների հետագա խորացման ուղիները։
«Ինչպես ընդգծեցի հանդիպման ժամանակ՝ Վրաստանի և Սլովակիայի միջև երկկողմ համագործակցությունը հիմնված է ժողովուրդների միջև գոյություն ունեցող ավանդական կապերի, ընդհանուր արժեքների և միմյանց ազգային շահերի հարգման վրա, ինչը կայուն հիմք է հարաբերությունների հետագա զարգացման համար։ Հանդիպման ընթացքում ընդգծեցինք տնտեսական կապերի և ոլորտային համագործակցության ակտիվացման կարևորությունը։
Սլովակիայի նախագահին շնորհակալություն հայտնեցի Վրաստանի տարածքային ամբողջականության և ինքնիշխանության աջակցության համար», – գրել է Միխեիլ Ղավելաշվիլին։