Միխեիլ Ղավելաշվիլին հանդիպել է Ադրբեջանում Վրաստանի նորանշանակ արտակարգ և լիազոր դեսպան Գիորգի Զաքարաշվիլիի հետ
Վրաստանի նախագահ Միխեիլ Ղավելաշվիլին հանդիպել է Ադրբեջանի Հանրապետությունում Վրաստանի նորանշանակ արտակարգ և լիազոր դեսպան Գիորգի Զաքարաշվիլիի հետ։ Այս մասին հայտնել է նախագահի աշխատակազմը։
Հաղորդագրության համաձայն՝ նախագահական պալատում կայացած հանդիպման ընթացքում կողմերը քննարկել են Վրաստանի և Ադրբեջանի միջև ռազմավարական գործընկերության կարևորությունը և երկկողմ հարաբերությունների հետագա խորացման հեռանկարները։
«Ուշադրություն է դարձվել Վրաստանի և Ադրբեջանի միջև երկարամյա բարեկամական հարաբերություններին, ինչպես նաև տարածաշրջանում խաղաղության, կայունության և տնտեսական զարգացման խթանման գործում երկու երկրների դերին։
Վրաստանի նախագահը շնորհավորել է Գիորգի Զաքարաշվիլիին դիվանագիտական առաքելության մեկնարկի կապակցությամբ և հաջողություն մաղթել նրան հետագա գործունեության մեջ»,- նշված է նախագահի աշխատակազմի հաղորդագրության մեջ։