Ուրախ եմ, որ Վրաստանի նախագահի կարգավիճակով իմ առաջին պաշտոնական այցը կայացավ մեր բարեկամ և ռազմավարական գործընկեր երկրում՝ Ադրբեջանում, – այս մասին գրում է Վրաստանի նախագահ Միխեիլ Ղավելաշվիլին սոցիալական ցանցում։

Ղավելաշվիլիի երկօրյա պաշտոնական այցը Ադրբեջանի Հանրապետություն սկսվեց այսօր։

«Ադրբեջանի Հանրապետություն իմ առաջին պաշտոնական այցը սկսվեց։ Այցի շրջանակում հանդիպումներ կունենամ իմ գործընկեր պարոն Իլհամ Ալիևի, Ադրբեջանի Հանրապետության վարչապետ պարոն Ալի Ասադովի և Միլի Մեջլիսի նախագահ տիկին Սահիբա Գաֆարովայի հետ՝ ինչպես առերես, այնպես էլ ընդլայնված կազմով։ Ուրախ եմ, որ Վրաստանի նախագահի կարգավիճակով իմ առաջին պաշտոնական այցը հենց մեր բարեկամ և ռազմավարական գործընկեր երկիր՝ Ադրբեջանի Հանրապետություն է կայացել», – գրում է Ղավելաշվիլին։