Միխեիլ Ղավելաշվիլի – Շինդիսիի հերոսները բոլորին ցույց տվեցին, որ վրացի մարտիկներն անվախ են և երբեք չեն հաշտվի Վրաստանի ազատության կորստի հետ
Այսօր մենք հարգանքի տուրք ենք մատուցում մեր դարաշրջանի ականավոր վրացի մարտիկներին՝ Շինդիսիի հերոսներին, ովքեր աննկարագրելի հերոսություն ցուցաբերեցին, իրենց քաջությամբ և մարտական ոգով ոգեշնչեցին և զարմացրին նույնիսկ թշնամուն, և բոլորին ցույց տվեցին, որ վրացի մարտիկներն անվախ են և երբեք չեն հաշտվի Վրաստանի ազատության կորստի հետ,- հայտարարել է Վրաստանի նախագահ Միխեիլ Ղավելաշվիլին։
Նրա խոսքով՝ յուրաքանչյուր վրացի պետք է հպարտանա Շինդիսիի հերոսներով։
«Հենց նրանց հերոսությունն է մեզ հավատ տալիս, որ Վրաստանը անմահ է և հավերժական։ Եվս մեկ անգամ՝ փառք և պատիվ նրանց հոգիներին ու անուններին։ Ես տեսա Շինդիսիի հերոսների ծնողներին և անձամբ շնորհակալություն հայտնեցի նրանց արժանի որդիներ դաստիարակելու համար։ Մենք իսկապես հպարտ ենք այս տղաների հերոսությամբ։ Մենք պետք է իմանանք, պետք է զգանք նրանց կատարած աշխատանքը ամեն օր, որպեսզի, հատկապես, մեր երեխաները, հաջորդ սերունդը կարողանան սերմանել այն ոգին, որով կռվել և ապրել են Շինդիսիի հերոսները։ Մեր պարտականությունն է, որ բոլորը հիշեն նրանց աշխատանքն ու հերոսությունը», – ասաց Ղավելաշվիլին։