Մինդելիի հանքահորից մահացած հանքափորների դիակները դուրս բերելու համար փրկարարները աշխատում են արտակարգ ռեժիմով
Արտակարգ իրավիճակների կառավարման ծառայության փրկարարները, Տղիբուլիում, Մինդելիի հանքահորում լեռնային փրկարարների հետ համատեղ այս պահին աշխատում են հանքահորից մահացած հանքափորների դիակները դուրս բերելու համար:
Արտակարգ իրավիճակների կառավարման գործակալության լրատվությամբ, տեղում գտնվում են Իմերելիի շրջանային փրկարարական ջոկատները, ինչպես նաև Թբիլիսիից մեկնած փրկարարների 14 հոգանոց խումբը:
Արտակարգ իրավիճակների կառավարման ծառայությունը լրիվ մոբիլիզացված է, որպեսզի կարճ ժամկետում հնարավոր լինի մահացածների դիակները դուրս բերել հանքահորից:
Մինդելիի անվան հանքահորում այսօր առավոտյան մահացել է 6 և տուժել երեք մարդ:
Առողջապահության նախարարության լրատվությամբ, տուժածների վիճակը գնահատվում է կայուն ծանր:
Ինչպես հայտարարել են ներքին գործերի նախարարությունում, նախնական տեղեկությամբ, հանքահորի թունելներից մեկում փլուզվել է տանիքը:
Պատահարի կապակցությամբ հետաքննություն է ընթանում Վրաստանի ՔՕ 240-րդ հոդվածի երկրորդ մասով: