Միլանում փոթորկի հետևանքով մեկ մարդ մահացել է, երկուսը՝ վիրավորվել

Մի մարդ մահացել է Իտալիայի Միլան քաղաքում ուժեղ փոթորկի հետևանքով: Հրշեջ ծառայության տվյալներով՝ 63-ամյա կինը մահացել է, երբ նրա վրա ծառ է ընկել: Նրա հետ գտնվող երկու մարդ վիրավորվել են:

Ռեկորդային ջերմաստիճաններից հետո Միլանում փոթորիկը հեղեղել է նկուղները, տապալել ծառեր և գովազդային վահանակներ: Փոթորիկը հարվածել է նաև Վենետո շրջանին և Տոսկանայի մի մասին:

Միևնույն ժամանակ, Իտալիայի հարավային և կենտրոնական մասերում դեռևս հիմնականում բարձր ջերմաստիճաններ են: