Տնտեսության գործի դնելու և բիզնեսին աջակցելու մեջ պետության դերը որոշիչ է, մանավանդ, կովիդ համավարակի պայմաններում,- այս մասին «Վրացական երազանք» խմբակցության անդամների առջև ելույթ ունենալիս, հայտարարել է Վրաստանի վարչապետի թեկնածու Իրակլի Ղարիբաշվիլին:

«Ես ուզում եմ առանցքային թեզերի տեսքով առանձնացնել տեսլականի որոշ հիմնական մանրամասներ և ասել, որ մենք պետք է կանխատեսելի դարձնենք երկրում տնտեսությունն ու քաղաքականությունը: Յուրաքանչյուր մարդ, յուրաքանչյուր գործարար պետք է զգա, որ մենք ապրում ենք կայուն միջավայրում, որտեղ անսպասելի և ծանրացուցիչ իրադարձություններ տեղի չեն ունենա, որպեսզի պետությունը կանգնի նրանց կողքին բոլոր իրավիճակներում, և որ վաղը ավելի լավ կլինի, քան այսօր: Կարծում եմ նաև, որ պետության դերը տնտեսության գործի դնելու և բիզնեսին աջակցելու հարցում կարևոր է, հատկապես համավարակի պայմաններում: Ավելին, խոշոր, միջին և փոքր բիզնեսին աջակցությունը կդառնա կառավարության ծրագրի հիմնաքարը: Կարծում եմ պետությունը պետք է իր վրա վերցնի հիմնական բեռը՝ բիզնեսը և աշխատատեղերը փրկելու համար», – հայտարարել է Իրակլի Ղարիբաշվիլին: