Միջազգային փորձագետները սկսել են հետաքննել Ակտաուի մոտ տեղի ունեցած ավիավթարի դեպքը
Միջազգային փորձագետները սկսել են հետաքննել Ակտաուի մոտ տեղի ունեցած ավիավթարը։ Այս մասին տեղեկություն են տարածում ադրբեջանական լրատվամիջոցները։
Ավիացիոն միջադեպերի ուսումնասիրման հանձնաժողովն այսօր խորհրդակցություն է անցկացրել 17 միջազգային փորձագետների մասնակցությամբ և մշակել գործողությունների ծրագիր։
Տեղական լրատվամիջոցների փոխանցմամբ՝ հանձնաժողովը մոտ ժամանակներս կայցելի վթարի վայր։
Հանձնաժողովի նպատակն է պարզել վթարի պատճառները և մշակել առաջարկություններ՝ հետագայում նմանատիպ միջադեպերը կանխելու համար։
Նշենք, որ հանձնաժողովը գլխավորում է Ղազախստանի տրանսպորտի նախարար Մարատ Կարաբաեւը։